Actividade 41: As zonas acuáticas.

  Tanto os biomas como as rexións bioxeográficas son zonas terrestres, pero a maior parte da superficie terrestre esta ocupada por zonas acuáticas. A información que temos delas (especialmente dos océanos e mares) é claramente insuficiente.

Nesta entrada ides a traballar sobre estas grandes rexións pouco coñecidas.

1 - En que se basa a diferenciación de zonas, caracterizadas pola súa fauna e flora, nos ambientes mariños?

    Baséase na salinidade da auga, que determina os seres vivos que habitan nela e por outro lado, tamén pode basearse na profundidade das augas.

2 - Cales son estas zonas?

    Estas zonas son a grandes rasgos dous tipos de ecosistemas acuáticos: os ecosistemas de auga salgada (mariños) e os ecosistemas de auga doce ( tamén chamados dulceacuícolas).

    En canto á profundidade se diferencian a zona eufótica (capa superior, a luz solar chega con relativa abundancia), zona disfótica (a luz solar chega debilmente) e a zona afótica (situada amayor profundad, non recibe luz solar e conta con poucos nutrientes, como as chairas abisais).

3 -  As algas son un claro expoñente destas zonas, por que?

    Debido a que as algas van cambiando no seu aspecto e eficiencia según a luz que reciben, é dicir, canto máis profundidade pigmentos máis oscuros e con diferentes tipos de pigmentos de clorofila.

4 - Que son as zonas abisais e que características teñen?

    A zona abisal, tamén coñecida como abisopelágica, é un dos niveis nos que se dividen os océanos e atópase nunha franxa comprendida entre os 3.000 e os 6.000 metros de profundidade. 

    A zona abisal, debido á súa profundidade, presenta unhas características sumamente exixentes para o desenvolvemento da vida: é unha rexión afótica, é dicir, carente de luz; a temperatura oscila entre os 0 ºC e os 3 ºC; hai escaseza de nutrientes, o que dificulta a alimentación e o desenvolvemento das especies que a habitan; e a presión hidrostática aumenta a medida que se descende, por exemplo, no abismo Challenger, o punto máis profundo do océano con case 11.000 metros, a presión é mil veces maior que ao nivel do mar.